22 April 2019
RSS Facebook Twitter   

නුඹ නොවේ පළමු මල

sad grlනුහුරු කටු මත ඉපදුනේ නුඹ
නපුරු බව දැනගෙන නොවේ
සැලෙන නල කටු තුඩින් ඇනුනද
නොහඬනා මල් කැකුළියේ

විහඟ ගීයක සැදැහැ දෑතක
නොගැටී පින්මද බොලදියේ
කටුක දුක් කප්පරක් නුහුලන
ගැහැනියක දුටුවෙද ලොවේ

සුළඟ ගෙන ආ සෙනෙහෙ පණිවිඩ
බමරු වෙත ආපසු යවා
උරණ හිරු හා පෙමින් බැඳුනද
ළපල්ලක මදහස පොවා

රතුම රතු බිම පතිත පෙති මත
කඳුළු බිඳු රැඳුනද මගේ
කියමි කුමරිය මෙලෙස මියදුනු
පළමු මල නම් නුඹ නොවේ........

-http://dilagelokaya.blogspot.co.uk/2015/04/blog-post.html

 

 

සයිබර් පවුර